Perde 4
[Textpart 1]
Bene factum et volup est, mé hodie his mulierculis
Daemones
tetulisse auxilium. iam clientas repperi,
atque ambas forma scitula atque aetatula.
sed uxór scelesta me omnibus servat modis,
895
ne quid significem quippiam mulierculis.
sed Gripus servos noster quid rerum gerat
miror, de nocte qui abiit piscatum ad mare.
pol magis sapisset, si dormivisset domi,
nam nunc et operam ludos facit et retia,
900
ut tempestas est nunc atque ut noctu fuit.
in digitis hodie percoquam quod ceperit,
ita fluctuare video vehementer mare.
sed ad prándium uxor me vocat. redeo domum.
iam meas opplebit aures † sua vaniloquentia.—
905
[Textpart 2]
Neptúno has agó gratiás meo patróno,
Gripvs
qui sálsis locís incolít pisculéntis,
quom me éx suis locís pulchre ornátum expedívit
†templís reducém, plurimá praeda onústum,
salúte horiaé, quae in marí fluctuóso
910
piscátu novó me uberí compotívit;
