Perde 3
[Textpart 6]
Nunc pol ego perii, Plesidippus eccum adest.
Labrax
converret iam hic me totum cum pulvisculo.
845
Plesidippvs
Etiamne in ara tunc sedebant mulieres,
quom ad me profectu's profectus es ire?
Trachalio
Ibidem nunc sedent.
Plesidippvs
Quis illás nunc illic servat?
Trachalio
Nescio quis senex,
vicinus Veneris; is dedit operam optumam.
is nunc cum servis servat. ego mandaveram.
850
Plesidippvs
Duc me ad lenonem recta. ubi illic est homo?
Plesidippvs
Salutem nil moror. opta ocius:
rapi te obtorto collo mavis an trahi?
utrum vis opta, dum licet.
Plesidippvs
Abi sáne ad litus curriculo, Trachalio,
855
iube illós in urbem ire obviam ad portum mihi,
quos mecum duxi, hunc qui ad carnificem traderent.
post huc redito atque agitato hic custodiam.
ego hunc scelestum ín ius rapiam éxulem.
