Perde 3
[Textpart 4]
ní erit tam sincerum, ut quivis dicat ampullarius
Trachalio
optimum esse operi faciundo corium et sincerissimum,
quid causae est quin virgis te usque ad saturitatem sauciem?
quid illas spectas? quas si attigeris, oculos eripiam tibi.
Labrax
At qui, quia votas, utramque iam mecum abducam simul.
760
Labrax
Volcanum adducam, is Venerist adversarius.
Labrax
Heus, ecquis hic est? heus.
Daemones
Si attigeris ostium,
iam hercle tibi messis in ore fiet mergis pugneis.
Lorarivs
Nullum habemus ignem, ficis victitamus aridis.
Daemones
Ego dabo ignem, siquidem in capite tuo conflandi copiast.
765
Labrax
Ibo hercle aliquo quaeritatum ígnem.
Daemones
Quid quom inveneris?
Labrax
Ignem magnum hic faciam.
Daemones
Quin † inhumanum exuras tibi?
Labrax
Immo hasce ambas hic in ara ut vivas comburam, id volo.
Daemones
Iam hercle ego te barba continuo arripiam, in ignem coniciam
teque ambustulatum obiciam magnis avibus pabulum.
770
