Perde 1
[Textpart 1]
Pro di immortales, tempestatem cuius modi
Sceparnio
Neptunus nobis nocte hac misit proxima.
detexit ventus villam—quid verbis opust?
85
non ventus fuit, verum Álcumena Euripidi,
ita omnís de tecto deturbavit tegulas;
inlustrioris fecit fenestrasque indidit.
[Textpart 2]
Et vos a vestris abduxi negotiis
Plesidippvs
neque id processit qua vos duxi gratia,
90
neque quivi ad portum lenonem prehendere.
sed mea desidia spem deserere nolui:
eo vós, amici, detinui diutius.
nunc huc ad Veneris fanum venio visere,
ubi rem divinam se facturum dixerat.
95
Sceparnio
Si sapiam, hoc quod me mactat concinnem lutum.
Plesidippvs
Prope me hic nescio quis loquitur.
Daemones
Heus, Sceparnio.
Sceparnio
Qui nominat me?
Daemones
Qui pro te argentum dedit.
Sceparnio
Quasi me tuom esse servom dicas, Daemones.
Daemones
Luto usust multo, multam terram confode.
100
