Perde 4
[Textpart 7]
quí neque tibi bene ésse patere et íllis quibus est ínvides.
1135
Harpax
Heús ubi estis vós?
Ballio
Hic quidem ad me récta habet rectám viam.
Harpax
Heus ubi estís vos?
Ballio
Heus adulescens, quid istic debetur tibi?
bene ego ab hoc praedatus ibo; novi, bona scaevast mihi.
Harpax
Ecquis hoc áperit?
Ballio
Heus chlamydate, quid istic debetur tibi?
Harpax
Aedium dominum lenonem Ballionem quaerito.
1140
Ballio
Quisquis es, adulescens, operam fac compendi quaerere.
Ballio
Quia tute ipsus ipsum praesens praesentem vides.
Simo
Chlamydate, cáve sis tibi a curvo infortunio
atque in hunc intende digitum: hic leno est.
Ballio
At hic est vir bonus.
sed, tu, bone vir, flagitare saepe clamore in foro,
1145
quom libella nusquamst, nisi quid leno hic subvenit tibi.
Harpax
Quin tu mecum fabulare?
Ballio
Fabulor. quid vis tibi?
