Perde 4
[Textpart 6]
Non edepol scio,
Ballio
nisi ut observemus quó eat aut quam rem gerat.
[Textpart 7]
Malus ét nequam est homo quí nihili eri ímperium sui sérvos facit,
Harpax
nihilíst autem suom qui ófficium facere ímmemor est, nisi est ádmonitus.
nam quí liberós esse ilicó se arbitrantur,
1105
ex cónspectu erí si suí se abdidérunt,
lúxantur, lustrántur, comedunt quód habent, ei nomén diu
néc boni ingeni quícquam in is inest,
nisi ut improbis se artibus teneant. †
1110
nec sérmo convenít neque is úmquam nobilís fui.
ego, ut mi ímperatumst, étsi abest, híc adesse erum árbitror.
quom hic nón adest, ne quom ádsiet métuam. ei rei operám dabo.
1115
nam ín taberna úsque adhuc, sí venirét Syrus,
cui dedi sumbolum, mansi, uti iusserat:
leno ubi esset domi, me aibat arcessere;
vérum ubi is nón venit néc vocat,
venio húc ultro, ut sciam, quíd rei sit, ne illíc homo me ludíficetur.
1120
