Perde 3
[Textpart 2]
ut nostra properes amoliri ómnia,
Ballio
tum ut huius oculos in oculis habeas tuis:
quoquo hic spectabit, eo tu spectato simul;
si quo hic gradietur, pariter progredimino;
manum sí protollet, pariter proferto manum:
860
suom sí quid sumet, id tu sinito sumere;
si nostrum sumet, tu teneto altrinsecus.
si iste ibit, ito, stabit, astato simul;
si conquiniscet istic, conquiniscito.
item his discipulis privos custodes dabo.
865
Cocvs
Habe módo bonum animum.
Ballio
Quaeso, qui possum, doce,
bonum animum habere qui te ad me adducam domum?
Cocvs
Quia sorbitione faciam ego hodie te mea,
item ut Medea Peliam concoxit senem,
quem medicamento et suis venenis dicitur
870
fecisse rursus ex sene adulescentulum,
Ballio
Eho, an etiam es veneficus?
Cocvs
Immo edepol vero hóminum servator.
