Perde 2
[Textpart 2]
Immo atriensi ego impero.
Harpax
Quid tu, servon es an liber?
610
Psevdolvs
Nunc quidem etiam servio.
610
Harpax
Ita videre, et non videre dignus qui liber sies.
Psevdolvs
Non soles respicere te, quom dicis iniuste alteri?
Harpax
Hunc hominem malum esse oportet.
Psevdolvs
Di me servant atque amant,
nam haec mihi incus est: procudam égo hodie hinc multos dolos.
Harpax
Quid illic secum solus loquitur?
615
Psevdolvs
Quid ais tu, adulescens?
615
Psevdolvs
Esne tu an non es ab illo milite Macedonio,
servos eius qui hinc a nobis est mercatus mulierem,
qui argenti ero meo lenoni quindecim dederat minas,
Harpax
Sum. sed ubi tu me novisti gentium
aut vidisti aut conlocutu’s es? nam equidem Athenas antidhac
620
numquam veni, neque te vidi ante hunc diem umquam oculis meis.
Psevdolvs
Quia videre inde esse; nam olim quom abiit, argento haec dies
praestitutast, quoad referret nobis, neque dum rettulit.
