Perde 2
[Textpart 4]
Quid nunc agimus?
Psevdolvs
Liberam hodie tuam amicam amplexabere.
Psevdolvs
Tu istic ipsus, inquam, si quidem hoc vivet caput;
si modo mihi hominem invenietis propere.
callidum, doctum, qui quando principium prehenderit,
725
porro sua virtute teneat quid se facere oporteat;
atque qui hic non visitatus saepe sit.
Psevdolvs
Immo multo mavolo quam liberum.
Charinvs
Posse opinor me dare hominem tibi malum et doctum domo,
qui a patre advenit Carysto nec dum exiit ex aedibus
730
quoquam neque Athenas advenit umquam ante hesternum diem.
Psevdolvs
Bene iuvas. sed quinque inventis opus est argenti minis
mutuis, quas hodie reddam: nam huius mihi debet pater.
Charinvs
Ego dabo, ne quaere aliunde.
Psevdolvs
O hominem opportunum mihi.
