Perde 1
Calidorvs
Neque intus nummus ullus est.
Calidorvs
Ille abducturus est mulierem cras.
Calidorvs
Istocine pacto me adiuvas?
Psevdolvs
Do id quod mihi est;
nam is mihi thensaurus iugis in nostra est domo.
Calidorvs
Actum est de me hodie. sed potes nunc mutuam
85
drachumam dare unam mihi, quam cras reddam tibi?
Psevdolvs
Vix hercle, opinor, si me opponam pignori.
sed quid ea drachuma facere vis?
Calidorvs
Qui me faciam pensilem.
certum est mihi ante tenebras tenebras persequi.
90
Psevdolvs
Quis mi igitur drachumam reddet, si dedero tibi?
an tu te ea caúsa vis sciens suspendere
ut me defraudes, drachumam si dederim tibi?
