Perde 1
[Textpart 5]
Nunc non abire certum est istac gratia;
Callipho
lubidost ludos tuos spectare, Pseudole.
et si hunc videbo non dare argentum tibi,
quod dixit, potius quam id non fiat, ego dabo.
Psevdolvs
Namque edepol, si non dabis,
555
clamore magno et multo flagitabere.
agite amolimini hinc vos intro nunciam
ac meis vicissim date locum fallaciis.
Callipho
Fiat, geratur mos tibi.
Callipho
Quin tibi hanc operam dico.—
560
Simo
At ego ad forum ibo. iam hic ero.—
suspicio est mihi nunc vos suspicarier,
me idcirco haec tanta facinora promittere,
quo vos oblectem, hanc fabulam dum transigam,
neque sim facturus quod facturum dixeram.
565
non demutabo. atque etiam certum, quod sciam,
