Perde 1
[Textpart 4]
sed comprimundast vox mihi atque oratio:
Psevdolvs
erum eccum video húc Simonem una simul
410
cum suo vicino Calliphone incedere.
ex hoc sepulcro vetere viginti minas
effodiam ego hodie, quas dem erili filio.
nunc huc concedam, unde horum sermonem legam.
[Textpart 5]
Si de damnosis aut si dé amatoribus
415
Simo
dictator fiat nunc Athenis Atticis,
nemo anteveniat filio, credo, meo:
ita nunc per urbem solus sermoni omnibust,
eum velle amicam liberare et quaerere
argentum ad eam rem. hoc alii mihi renuntiant;
420
atque id iam pridem sensi et subolebat mihi,
Psevdolvs
Iám illi fetet filius.
occisa est haec res, haeret hoc negotium.
quo in commeatum volui árgentarium
proficisci, ibi nunc oppido opsaeptast via.
425
praesensit: nihil est praedae praedatoribus.
Callipho
Homines qui gestant quique auscultant crimina,
