Perde 1
[Textpart 3]
Nimio id quod pudet facilius fertur quam illud quod piget.
Ballio
non dedisse istunc pudet: me quia non accepi piget.
Psevdolvs
At dabit, parabit: aliquot hos dies manta modo.
nám hic id metuit, ne illam vendas ob simultatem suam.
Ballio
Fuit occasio, si vellet, iam pridem argentum ut daret.
285
Calidorvs
Quid, si non habui?
Ballio
Si amabas, invenires mutuom,
ad danistam devenires, adderes faenusculum,
Psevdolvs
Surruperet hic patri, audacissume?
non periclumst ne quid recte monstres.
Calidorvs
Egon patri surrupere possim quicquam, tam cauto seni?
290
atque adeo, si facere possim, pietas prohibet.
pietatem ergo istam amplexator noctu pro Phoenicio.
sed cum pietatem te amori video tuo praevortere,
omnes homines tibi patres sunt? nullus est tibi quem roges
Calidorvs
Quin nomen quoque iam interiit mutuom.
295
