Perde 5
[Textpart 2]
qui huc advenisti nos captatum, migdilix,
Milphio
bisulci lingua quasi proserpens bestia.
Agorastocles
Maledicta hinc aufer, linguam compescas face.
1035
maledicere huic tu temperabis, si sapis.
meis cónsanguineis nolo te iniuste loqui.
Carthagini ego sum gnatus, ut tu sis sciens.
Hanno
O mi popularis, salve.
Agorastocles
Et tu edepol, quisquis es.
et si quid opus est, quaeso, dic atque impera
1040
verum ego hic hospitium hábeo: Antidamae filium
quaero (commostra si novisti) Agorastoclem.
sed ecquem ádulescentem tu hic novisti Agorastoclem?
Agorastocles
Siquidem Ántidamai quaeris ádoptaticium,
1045
ego sum ipsus quem tu quaeris.
Hanno
Hem, quid ego audio?
Agorastocles
Antidamae gnatum me esse.
conferre si vis hospitalem, eccam attuli.
