Perde 5
[Textpart 4]
ne indigna indignis di darent, id ego evenire vellem;
Hanno
nunc quod boni mihi di danunt, vobis vostraeque matri,
eas dís est aequom gratias nos agere sempiternas,
quom nostram pietatem adprobant decorantque di immortales.
1255
vos meae estis ambae filiae et hic ést cognatus vester,
huiusce fratris filius, Agorastocles.
num hi falso oblectant gaudio nos?
Agorastocles
At ita me di servent,
ut hic páter est vester. date manus.
Adelphasivm
Salve, insperate nobis
pater, té complecti nos sine.
1260
Anterastilis
Cupite atque exspectate
1260
Adelphasivm
Ambae filiae sumus.
Anterastilis
Amplectamur ambae.
Agorastocles
Quis me amplectetur postea?
Hanno
Nunc ego sum fotunatus,
multorum annorum miserias nunc hac voluptate sedo.
Adelphasivm
Vix hoc videmur credere.
