Perde 5
[Textpart 4]
Quid istic? quod faciundumst cur non agimus? in ius vos voco.
1225
Agorastocles
Nunc, pátrue, tu frugí bonae es. tené. vin ego hanc adpréndam?
Adelphasivm
An patruos est, Agorastocles, tuos hic?
Agorastocles
Iam faxo scibis.
nunc pol ego te ulciscar probe, nam faxo—mea eris sponsa.
Hanno
Ite in ius, ne moramini. antestare me atque duce.
Agorastocles
Ego te antestabor, postea hanc amabo atque amplexabor.
1230
sed illúd quidem volui dícere—immo hercle díxi quod volebam.
Hanno
Moramini. in ius vos voco, nisi honestiust prehendi.
Adelphasivm
Quid in iús vocas nos? quid tibi debemus?
Adelphasivm
Etiam me meae latrant canes?
Agorastocles
At tu hercle adludiato:
dato mihi pro offa savium, pro ósse linguam obicito.
1235
ita hanc canem faciam tibi oleo tranquilliorem.
Adelphasivm
Quid nos fecimus tibi?
