Perde 4
[Textpart 2]
ibo intro, haec ut meo ero memorem. nam huc si ante aedes evocem,
920
Milphio
quae audivistis modo, nunc si eadem híc iterum iterem, inscitiast.
ero uni potius intus ero odio, quam hic sim vobis omnibus.—
di immortales, quanta turba, quanta adventat calamitas
hodie ad hunc lenonem. sed ego nunc est cum me commoror.
ita negotium institutumst, non datur cessatio;
925
nám et hoc docte consulendum, quod modo concreditumst,
et illud autem inserviendumst consilium vernaculum.
remora si sit, qui malam rem mihi det merito fecerit.
nunc intro ibo: dum erus adveniat a foro, opperiar domi.—
