Perde 2
[Textpart 1]
eo illós volantis iussi funditarier.
Antamonides
quid multa verba? quemquem visco offenderant,
tam crebri ad terram áccidebant quam pira.
ut quisque acciderat, eum necabam ílico
per cerebrum pinna sua sibi, quasi turturem.
Lycvs
Si hercle istuc umquam factum est, tum me Iuppiter
faciat ut semper sacruficem nec umquám litem.
Antamonides
An mi haec non credis?
490
Lycvs
Credo, ut mi aequomst credier.
490
Dum exta referuntur, volo
narrare tibi etiam unam pugnam.
Lycvs
Non hercle auscultabo.
colaphis quidem hercle tuom iam dilidam caput,
nisi aut auscultas aut is in malam crucem.
495
Lycvs
Malam crucem ibo potius.
Antamonides
Certumnest tibi?
