Perde 1
[Textpart 2]
binae singulis quae dataé nobis ancíllae,
Adelphasivm
eae nos lavando eluendo operam déderunt,
aggerúndaque aqua sunt viri duo defessi.
apage sis, negoti quantum in muliere una est.
225
sed vero duae, sat scio, maxumo uni
poplo cuilubet plus satis dare potis sunt,
quae noctes diesque omni in aetate semper
ornantur, lavantur, tergentur, poliuntur.
postremo modus muliebris nullust: numquam
230
lavando et fricando scimus facere finem.
nam quae lauta est nisi perculta est, meo quidem animo quasi inluta est.
Anterastilis
Mirór equidem, sóror, te istaec sic fabulari,
quae tam callida et docta sis et faceta.
nam quom sedulo munditer nos habemus,
235
vix aegreque amatorculos invenimus.
Adelphasivm
Ita est. verum hoc unum tamen cogitato:
modus ómnibus rebús, soror, optimus est habitu.
nimia ómnia nimium éxhibent negóti hominibus éx se.
Anterastilis
Sorór, cogitá, amabo, itém nos perhibéri
240
quam si salsa muriatica esse autumantur:
