Perde 1
[Textpart 2]
Quid? ego non te curem? quid ais, Milphio?
Agorastocles
Cur mi haec irata est?
Milphio
Cur haec irata est tibi?
cur ego id curem? namque istaec magis meast curatio. †
Agorastocles
Iam hercle tu periisti, nísi illam mihi tam tranquillam facis
355
quam mare olimst, quóm ibi alcedo pullos educit suos.
Agorastocles
Exora, blandire, expalpa.
sed vide sís, ne tu oratorem hunc pugnis pectas postea.
Adelphasivm
Non aequos in me es, sed morare et male facis.
bene promittis multa ex multis: omnia in cassum cadunt.
360
liberare iuravisti me haud semel, sed centiens:
dum te exspecto, neque ego usquam aliam mihi paravi copiam
neque istuc usquam apparet; ita nunc servio nihilo minus.
i, soror. apscede tu a me.
Agorastocles
Perii. ecquid agis, Milphio?
