Perde 3
[Textpart 3]
quia te negabas credere argentum mihi.
Dordalvs
Mirum quin tibi ego crederém, ut idem mihi
faceres quod partim faciunt argentarii:
ubi quid credideris, citius extemplo a foro
435
fugiunt quam ex porta ludis cum emissust lepus.
Toxilvs
Nummi sescenti hic erunt,
probi, numerati. fac sit mulier libera,
atque huc continuo adduce.
Dordalvs
Iam faxo hic erit.
non hercle, quoi nunc hoc dem spectandum, scio.
440
Toxilvs
Fortasse metuis in manum concredere?
Dordalvs
Mirum quin citius iam a foro argentarii
abeunt, quam in cursu rotula circumvortitur.
Toxilvs
Abi istác travorsis angiportis ad forum;
eadem ístaec facito mulier ad me transeat
445
Dordalvs
Iam hic faxo aderit.
