Perde 3
[Textpart 1]
Quae res bene vortat mi et tibi et ventri meo
Satvrio
perennitatique adeo huic, perpetuo cibus
330
ut mihi supersit, suppetat, superstitet:
sequere hac, mea gnata, me, cum dis volentibus.
quoi rei opera detur scis, tenes, intellegis;
communicavi tecum consilia omnia.
ea causa ad hoc exemplum te exornavi ego.
335
quamquam libenter escis alienis studes,
tuin véntris causa filiam vendas tuam?
Satvrio
Mirum quin regis Phílippi causa aut Attali
te potius vendam quam mea, quae sis mea.
340
Virgo
Vtrum tú pro ancilla mé habes an pro filia?
Satvrio
Vtrum hercle magis in ventris rem videbitur.
meum, opino, imperiumst in te, non in me tibi.
Virgo
Tua istaéc potestas est, pater. verum tamen,
quamquam res nostrae sunt, pater, pauperculae,
345
modice et modeste meliust vitam vivere;
nam ad paupertatem si admigrant infamiae,
