Perde 1
[Textpart 3]
ornatam adduce lepide in peregrinum modum.
Toxilvs
Abs chorago sumito;
dare debet: praebenda aediles locaverunt.
160
Satvrio
Iam faxo hic aderunt. sed ego nihil horunc scio.
Toxilvs
Nihil hercle vero. nam ubi ego argentum accepero,
continuo tu illam a lenone adserito manu.
Satvrio
Sibi habeat, si non extemplo ab eo abduxero.—
Toxilvs
Abi et istuc cura. interibi egó puerum volo
165
mittere ad amicam meam, út habeat animum bonum,
me esse effecturum hoc hodie. nimis longum loquor.—
