Perde 3
[Textpart 2]
habent, at égo habeo homines clitellarios.
Tranio
magni sunt oneris: quidquid imponas vehunt.
nunc húnc hau scio án conloquár. congrediar.
Theopropides
Hém quis hic nóminat me?
Tranio
Eró servos múltis modís fidus.
785
Theopropides
Únde is?
785
Tranio
Quod me miseras, adfero omne impetratum.
Theopropides
Quid illíc, opsecro, tam diu destitisti?
Tranio
Seni non erat otium, id sum opperitus.
Theopropides
Antiquom optines hoc tuom, tardus ut sis.
Tranio
Heus tu, si voles verbum hóc cogitare,
790
simul flare sorbereque haud factu facilest.
ego híc esse et íllic simitu hau pótui.
Tranio
Vise, specta tuo usque arbitratu.
Theopropides
Age i, duce me.
Theopropides
Supsequor te.
Tranio
Senex ipsus te ante ostium eccum opperitur.
795
