Perde 1
[Textpart 1]
periere, et aedis et ager; qui nisi huc redit,
80
Grvmio
paucorum mensum sunt relictae reliquiae.
nunc rus abibo. nam eccum erilem filium
video, corruptum ex adulescente optumo.—
[Textpart 2]
Recórdatus múltum et diú cogitávi
Philolaches
argúmentaque ín pectus ínstitui multa
85
ego, átque in meó corde, si ést quod mihí cor,
eám rem volútavi et diú disputávi,
hominém cuius réi, quandó natus esset,
similem ésse arbitrárer simulácrumque habére:
id répperi iam exémplum.
90
novárum aedium ésse arbitrór similem ego hóminem,
quandó natus ést. ei rei argúmenta dícam.
atque hóc haud vidétur verí simile vóbis,
at ego id faciam esse ita ut credatis.
profécto ita esse út praedicó vera víncam.
95
atque hóc vosmet ípsi, sció, proinde utí nunc
ego ésse autumó, quando dícta audiétis
mea, haud áliter id dicétis.
auscúltate, argúmenta dúm dico ad hánc rem:
