Perde 1
[Textpart 1]
dique omnes perdant, fu, oboluisti alium.
Tranio
germana inluvies, rusticus, hircus, hara suis,
40
non omnes possunt olere unguenta exotica,
si tú oles, neque superiores accumbere
neque tam facetis quam tu vivis victibus.
tu tíbi istos habeas turtures piscis avis,
sine me aliato fungi fortunas meas.
tu fortunatus esfortunatu's, ego miser: patiunda sunt.
meum bonum me, te tuom maneat malum.
Tranio
Quasi invidere mi hoc videre, Grumio,
quia mihi bene est et tibi male est; dignissumumst:
decet me amare et te bubulcitarier,
me victitare pulchre, te miseris modis.
Grvmio
O carnuficium cribrum, quod credo fore,
55
ita te forabunt patibulatum per vias
stimulis carnufices, si huc reveniat senex.
Tranio
Qui scis, an tibi istuc evenat prius quam mihi?
Grvmio
Quia numquam merui, tu meruisti et nunc meres.
