Perde 1
[Textpart 3]
Cédo mi speculum et cum ornamentis arculam actutum, Scapha,
Philemativm
ornata ut sim, quom huc adveniat Philolaches voluptas mea.
Scapha
Mulier quae se suamque aetatem spernit, speculo ei usus est:
250
quid opust speculo tibi, quae tute speculo speculum es maxumum?
Philolaches
Ob istuc verbum, ne nequiquam, Scapha, tam lepide dixeris,
dabo aliquid hodie peculi tibi, Philematium mea.
Philemativm
Suo quique loco (viden?) capillus satis compositust commode.
Scapha
Vbi tu commoda es, capillum commodum esse credito.
255
Philolaches
Vah, quid illá pote peius quicquam muliere memorarier?
nunc adsentatrix scelesta est, dudum adversatrix erat.
Philemativm
Cedo cerussam.
Scapha
Quid cerussa opust nám?
Philemativm
Qui malas oblinam.
Scapha
Vna operá ebur atramento candefacere postules.
Philolaches
Lepide dictum de atramento atque ebore. euge, plaudo Scaphae.
260
Philemativm
Tum tu igitur cedo purpurissum.
Scapha
Non do. scita es tu quidem.
nova pictura interpolare vis opus lepidissimum?
non istanc aetatem oportet pigmentum ullum attingere,
neque cerussam neque melinum, neque aliam ullam offuciam.
