Perde 4
[Textpart 6]
Vt me veretur.
Palaestrio
Illa ad nos pergit.
Pyrgopolynices
Et nos te.
Milphidippa
Iube ergo adire.
Pyrgopolynices
Induxi in animum, ne oderim item ut alias, quando orasti.
Milphidippa
Verbum edepol facere non potis, si accesserit prope ad te.
1270
dum te obtuetur, interim linguam oculi praeciderunt.
Pyrgopolynices
Levandum morbum mulieri video.
Milphidippa
Vt tremit atque extimuit,
Pyrgopolynices
Víri quoque armáti idem istuc faciunt,
ne tu mirere eius mulierem. sed quid illa volt me facere?
Milphidippa
Ad se ut eas: tecum vivere volt atque aetatem exigere.
1275
Pyrgopolynices
Egon ád illam eam, quae nupta sit? vir eius me deprehendat.
Milphidippa
Quin tua causa exegit virum ab sé.
Pyrgopolynices
Qui id facere potuit?
