Perde 4
[Textpart 6]
Patiar, quando ita Venus volt.
Acrotelevtivm
Veneri pol habeo gratiam, eandémque et oro et quaeso,
ut eius mihi sit copia quem amo quemque expetesso
benignusque erga me ut siet, quod cupiam ne gravetur.
1230
Milphidippa
Spero ita futurum, quamquam illum multae sibi expetessunt:
ille illas spernit segregat ab se omnis, extra te unam.
Acrotelevtivm
Ergo iste metus me macerat, quod ille fastidiosust,
ne óculi eius sententiam mutent, ubi viderit me,
atque eius elegantia meam extémplo speciem spernat.
1235
Milphidippa
Non faciet, bonum animum habe. †
Pyrgopolynices
Vt ipsa se contemnit.
Acrotelevtivm
Metuo, ne praedicatio tua nunc meam formam exsuperet.
Milphidippa
Istuc curavi, ut opínione illius pulchrior sis.
Acrotelevtivm
Si pol me nolet ducere uxórem, genua amplectar
atque obsecrabo; alio modo, si non quibo impetrare,
1240
consciscam letum: vivere sine illó scio me non posse.
Pyrgopolynices
Prohibendam mortem mulieri videó. adibon?
nam tu te vilem feceris, si te ultro largiere:
sine ultro veniat; quaeritet, desideret, exspectet
