Perde 4
[Textpart 5]
Numquam ego me tam sensi amari quam nunc ab illa muliere.
Pyrgopolynices
Vt multa verba feci, ut lenta materies fuit.
verum postremo impetravi ut volui: donavi dedi
quae voluit, quae postulavit; te quoque ei dono dedi.
1205
Palaestrio
Etiam me? quo modo ego vivam sine te?
Pyrgopolynices
Age, animo bono es,
eidem ego te illim liberabo. nam si possem ullo modo
impetrare ut abiret, ne te abduceret, operam dedi;
Palaestrio
Deos sperabo teque. postremo tamen
etsi istuc mi acerbumst, quia ero te carendum est optimo,
1210
saltem id volup est, quom ex virtute formae évenit tibi
mea opera super hac vicina, quam ego nunc concilio tibi.
Pyrgopolynices
Quid opust verbis? libertatem tibi ego et divitias dabo,
Palaestrio
Reddam impetratum.
Pyrgopolynices
At gestio.
Palaestrio
At modice decet:
moderare animo, ne sis cupidus. séd eccam ipsam, egreditur foras.
1215
