Perde 4
Palaestrio
Quia enim non sum dignus prae te, ut figam palum in parietem.
1140
Palaestrio
Nimis facete nimisque facunde malast.
ut lepide deruncinavit militem.
Milphidippa
At etiam parum.
Palaestrio
Bono animo es: negotium omne iam succedit sub manus;
vos modo porro, ut occepistis, date operam adiutabilem.
nam ipse miles concubinam intro abiit oratum suam,
1145
ab se ut abeat cum sorore et matre Athenas.
Palaestrio
Quin etiam aurum atque ornamenta, quae ipse instruxit, mulieri
omnia dat dono, a se ut abeat: ita ego consilium dedi.
Plevsicles
Facile istuc quidemst, si et illa volt et ille autem cupit.
Palaestrio
Non tu scis, quom ex alto puteo sursum ad summum escenderis,
1150
maxumum periclum inde esse ab summo ne rusum cadas?
nunc haec res apud súmmum puteum geritur: si praesenserit
miles, nihil ecferri poterit huius: nunc cum maxume
opust dolis: domi esse ad eam rem video silvai satis,
mulieres tres, quartus tute es, quintus ego, sextus senex;
1155
