Perde 4
[Textpart 3]
quin si voluntáte nolet, vi extrudam foras.
Palaestrio
Istuc cave fáxis; quin potius per gratiam
1125
bonam abeat abs te. atque illaec quae dixi dato,
aurum, ornamenta quae illi instruxisti ferat.
Pyrgopolynices
Cupio hercle.
Palaestrio
Credo te facile impetrassere.
sed abi intro. noli stare.
Pyrgopolynices
Tibi sum oboediens. —
Palaestrio
Numquid videtur demutare alio atque uti
1130
dixi esse vobis dudum hunc moechum militem?
nunc ad me ut veniat usust Acroteleutium aut
ancillula eius aut Pleusicles. pro Iuppiter,
satine ut Commoditas usquequaque me adiuvat?
nam quos videre exoptabam me maxume,
1135
una exeuntis video hínc e proxumo.
[Textpart 4]
Séquimini, simul círcumspicite, né quis adsit árbiter.
Milphidippa
Neminem pol video, nísi hunc quem volumus conventum.
Milphidippa
Quid agis, noster architecte?
Palaestrio
Egone architectus? vah.
