Perde 3
[Textpart 2]
fugiam hercle aliquo atque hoc in diem extollam malum.
Lvcrio
ne dixeritis, obsecro, huic, vostram fidem.
Lvcrio
Missus sum aliquo: iam huc revenero.
Palaestrio
Abi, actutum redi.
Lvcrio
Quaeso tamen tu meam partem, infortunium
865
si dividetur, me absente accipito tamen. —
Palaestrio
Modo intellexi quam rem mulier gesserit:
quia Sceledrus dormit, hunc subcustodem suom
foras áblegavit, dum ab se huc transiret. placet.
sed Periplectomenus quam ei mandavi mulierem
870
nimis lépida forma ducit. di hercle hanc rem adiuvant.
quam digne ornata incedit, haud meretricie.
lepide hoc succedit sub manus negotium.
[Textpart 3]
Rem omném tibi, Acroteleútium, tibique úna, Milphidíppa,
Periplectomenvs
domi démonstravi in ordine. hanc fabricam fallaciasque
875
minus sí tenetis, denuo volo percipiatis plane;
satis si íntellegitis, aliud est quod potius fabulemur.
