Perde 3
[Textpart 2]
Qui lubitum est illi condormiscere?
Palaestrio
Non te istuc rogito, scelus.
procede huc. periisti iam, nisi verum scio.
prompsisti tu illi vinum?
Lvcrio
Nego hercle vero, nam ille me vetuit dicere;
830
neque equidem heminas octo exprompsi in urceum
neque illic calidum éxbibit in prandium.
Palaestrio
Neque tu bibisti?
Lvcrio
Di me perdant, si bibi,
Lvcrio
Quia enim obsorbui;
nam nimis calebat, amburebat gutturem.
835
Palaestrio
Alii ebrii sunt, alii poscam potitant.
bono subpromo et promo cellam creditam.
Lvcrio
Tu hércle idem fáceres, si tibi esset credita:
quoniam aemulari non licet, nunc invides.
