Perde 3
[Textpart 1]
Periplectomene; nám ego inveni lepidam sycophantiam,
Palaestrio
qui admutiletur miles usque caesariatus atque uti
huic amanti ac Philocomasio hanc ecficiamus copiam,
ut hic eam abducat habeatque.
770
Periplectomenvs
Dari istanc rationem volo.
770
Palaestrio
At ego mi anulum dari istunc tuom volo.
Periplectomenvs
Quam ad rem usui est?
Palaestrio
Quando habebo, igitur rationem mearum fabricarum dabo.
Periplectomenvs
Vtere, accipe.
Palaestrio
Accipe a me rusum rationem doli,
Plevsicles
Perpurigatis damus tibi ambo operam auribus.
Palaestrio
Erus meus ita magnus moechus mulierum est, ut neminem
775
fúisse aeque neque futurum credo.
Plevsicles
Credo ego istuc idem.
Palaestrio
Isque Alexandri praestare praedicat formae suam,
itaque omnis se ultro sectari in Epheso memorat mulieres.
Periplectomenvs
Edepol qui te de isto multi cupiunt † non mentirier,
sed ego ita esse ut dicis teneo pulchre. proin, Palaestrio,
780
quam potis tam verba confer maxime ad compendium.
