Perde 2
[Textpart 5]
Philocomasium, an non est ea?
Palaestrio
Hercle opinor, ea videtur.
sed facinus mirum est, quo modo haec hinc huc transire potuit,
Sceledrvs
An dubium tibi est eam esse hanc?
Sceledrvs
Adeamus, appellemus. heus, quid istúc est, Philocomasium?
420
quid tibi istic in istisce aedibus debetur, quid negotist?
quid nunc taces? tecum loquor.
Palaestrio
Immo edepol tute tecum;
Sceledrvs
Te adloquor, viti probrique plena,
quae circum vicinos vagas.
Philocomasivm
Quicum tu fabulare?
Sceledrvs
Quicum nisi tecum?
425
Philocomasivm
Quis tu homo es, aut mecum quid est negoti?
425
Sceledrvs
Mé rogas homo qui sim?
Philocomasivm
Quin ego hoc rogem quod nesciam?
Palaestrio
Quis ego sum igitur, si hunc ignoras?
Philocomasivm
Mihi odiosus, quisquis es,
