Perde 4
[Textpart 3]
Miserior mulier me nec fiet, nec fuit,
700
Dorippa
tali viro quae nupserim. heu miserae mihi.
em quoi te et tua, quae tu habeas, commendes viro,
em quoi decem talenta dotis detuli,
haec ut viderem, ut ferrem has contumelias.
Lysimachvs
Perii hercle, rure iam rediit uxor mea:
705
vidisse credo mulierem in aedibus.
sed quae loquatur exaudire hinc non queo.
Lysimachvs
Equidem hercle oppido perii miser.
vidit. ut te omnes, Demipho, di perduint.
710
Dorippa
Pol hoc est, ire quod rus meus vir noluit.
Lysimachvs
Quid nunc ego faciam nisi uti ádeam atque adloquar?
iubet salvere suos vir uxorem suam.
faciunt, quam ílli qui non fiunt rustici.
715
