Perde 4
[Textpart 4]
measque in aedis sic scorta obductarier.
Dorippa
Syra, i, rogato meum patrem verbis meis,
ut veniat ad me iam simul tecum.—
Lysimachvs
Nescis negoti quid sit, uxor, obsecro.
conceptis verbis iam iusiurandum dabo,
790
me numquam quicquam cum illa—iamne abiit Syra?
perii hercle. ecce autem haec abiit. vae misero mihi.
at te, vicine, di deaeque perduint,
cum tua amíca cumque amationibus.
suspicione implevit me indignissime,
795
concivit hostis dómi: uxór acerrumast.
ibo ad forum atque haec Demiphoni éloquar,
me istanc capillo protracturum esse in viam,
nisi hinc abducit quo volt ex hisce aedibus.
uxor, heus uxor, quamquam tu irata es mihi,
800
iubeas, si sapias, haec intró auferrier:
eadem licebit mox cenare rectius.—
[Textpart 5]
Era quo me misit, ad patrem, non est domi:
Syra
rus abiisse aibant. nunc domum renuntio.
