Perde 2
[Textpart 1]
verum ad hoc exemplum numquam, ut nunc insanio.
265
Demipho
unum quidem hercle iam scio, periisse me;
vosmet videte ceterum quanti siem.
nunc hoc profecto sic est: haec illast capra;
verum hercle simia illa atque haedus mihi malum
adportant, atque eos esse quos dicam hau scio.
270
sed conticiscam, nam eccum it vicinus foras.
[Textpart 2]
Profecto ego illunc hircum castrari volo,
Lysimachvs
ruri qui vobis exhibet negotium.
Demipho
Nec omen illud mihi nec auspicium placet.
quasi hircum metuo ne uxor me castret mea.
275
atque illius haec nunc simiae partis ferat.
Lysimachvs
I tu hinc ad villam atque istos rastros vilico
Pisto ipsi facito coram ut tradas in manum.
uxori facito ut nunties, negotium
mihi esse in urbe, ne me exspectet; nam mihi
280
tris hodie litis iudicandas dicito.
ei, et hoc memento dicere.
