Perde 5
[Textpart 2]
me despoliat, mea ornamenta clam ad meretrices degerit.
Senex
Male facit, si istuc facit; si non facit, tu male facis,
805
Matrona
Quin etiam nunc habet pallam, pater,
et spinter, quod ad hanc detulerat, nunc, quia rescivi, refert.
Senex
Iám ego ex hoc, ut factumst, scibo. íbo ad hominem atque adloquar.
dic mi istuc, Menaechme, quod vos dissertatis, ut sciam.
quid tu tristis es? quid illa autem irata abs te destitit?
810
Menaechmvs
Quisquis es, quidquid tibi nomen est, senex, summum Iovem
Senex
Qua de re aut cuius rei rerum omnium?
Menaechmvs
Me neque isti male fecisse mulieri, quae me arguit
hanc domo ab se surrupuisse atque abstulisse deierat.
sí ego intra aedis huius umquam, ubi habitat, penetravi pedem,
815
omnium hominum exopto ut fiam miserorum miserrimus.
Senex
Sanun es, qui istuc exoptes aut neges te umquam pedem
in eas aedis intulisse ubi habitas, insanissime?
Menaechmvs
Tun, senex, ais habitare med in illisce aedibus?
820
Menaechmvs
Nego hercle vero.
