Perde 5
[Textpart 1]
iam ego aperiam istaec tua flagitia.
Matrona
Pallam atque aurum meum
domo suppilas tuae uxori et tuae
740
degeris amicae. satin haec recte fabulor?
Menaechmvs
Quaeso hercle, mulier, si scis, monstra quod bibam,
tuam qui possim perpeti petulantiam.
quem tú hominem esse me arbitrere, nescio;
ego te simitu novi cum Porthaone.
745
Matrona
Si me derides, at pol illum non potes,
patrem meum, qui huc advenit. quin respicis?
Menaechmvs
Novi cum Calcha simul:
eodém die illum vidi quo te ante hunc diem.
Matrona
Negas novisse me? negas patrem meum?
750
Menaechmvs
Idem hercle dicam, sí avom vis adducere.
Matrona
Ecastor pariter hoc atque alias res soles.
[Textpart 2]
Vt aétas mea ést atque ut hóc usus fácto est
Senex
gradum proferam, progrediri properabo.
