Perde 4
[Textpart 1]
Egone hic me patiar frustra in matrimonio,
Matrona
ubi vir compilet clanculum quidquid domist
560
atque ea ad amicam deferat?
manufesto faxo iam opprimes: sequere hac modo.
pallam ad phrygionem cum corona ébrius
ferebat, hodie tibi quam surrupuit domo.
sed eccám coronam quám habuit. num mentior?
565
em hac ábiit, si vis persequi vestigiis.
atque edepol eccum óptume revortitur;
Matrona
Quid ego nunc cum illoc agam?
Penicvlvs
Idem quod semper: male habeas; sic censeo.
huc concedamus: ex insidiis aucupa.
570
[Textpart 2]
Vt hóc utimúr maximé more móro
Menaechmvs
moléstoque múltum, atque utí quique súnt
optumí, maxumé morem habént hunc:
cliéntes sibi ómnes volúnt esse múltos:
boníne an malí sint, id haúd quaeritánt;
575
res magís quaeritúr quam cliéntum fidés
