Perde 2
[Textpart 2]
Est tibi Menaechmo nomen, tantum quod sciam.
Menaechmvs
Pro sano loqueris quom me appellas nomine.
Cylindrvs
Vbi ego te noverim,
qui amicam habes eram meam hanc Erotium?
300
Menaechmvs
Neque hercle ego habeo, neque te quis homo sis scio.
Cylindrvs
Non scis quis ego sim, qui tibi saepissime
cyathisso apud nos, quando potas?
quom nihil est qui illi homini diminuam caput.
Menaechmvs
Tun cyathissare mihi soles, qui ante hunc diem
305
Epidamnum numquam vidi neque veni?
Menaechmvs
Nego hercle vero.
Cylindrvs
Non tu in illisce aedibus
Menaechmvs
Di illos homines, qui illic habitant, perduint.
Cylindrvs
Insanit hic quidem, qui ipse male dicit sibi.
