Perde 2
[Textpart 3]
Quis iste ést Peniculus? qui extergentur baxeae?
Erotivm
Scilicet qui dudum tecum venit, quom pallam mihi
detulisti, quám ab uxore tua surrupuisti.
tibi pallam dedi, quam uxori meae surrupui? sanan es?
certe haec mulier cantherino ritu ástans somniat.
395
Erotivm
Qui lubet ludibrio habere me atque ire infitias mihi
Menaechmvs
Dic quid est id quod negem quod fecerim?
Erotivm
Pallam te hodie mihi dedisse uxoris.
Menaechmvs
Etiam nunc nego.
ego quidem neque umquam uxorem hábui neque habeo, neque huc
umquam, postquam natus sum, intra portam penetravi pedem.
400
prandi in navi, inde huc sum egressus, te conveni.
perii misera, quam tu mihi nunc navem narras?
saepe tritam, saepe fixam, saepe excussam malleo;
quasi supellex pellionis, palus palo proxumust.
Erotivm
Iám, amabo, desiste ludos facere atque i hac mecum semul.
405
