Perde 1
[Textpart 2]
Vbi essuri sumus?
Menaechmvs
Dic modo hoc quod ego te iubeo.
Penicvlvs
Dico: homo lepidissime.
Menaechmvs
Ecquid audes de tuo istuc addere?
Penicvlvs
Atque hilarissime.
Menaechmvs
Perge porro.
150
Penicvlvs
Non pergo hercle, nisi scio qua gratia.
150
litigium tibi est cum uxore, eo mi ábs te caveo cautius.
Menaechmvs
Clam uxoremst ubi pulchre habeamus atque hunc comburamus diem.
Penicvlvs
Age sane igitur, quando aequom oras, quam mox incendo rogum?
dies quidem iam ad umbilicum est dimidiatus mortuos.
Menaechmvs
Te morare, mihi quom obloquere.
Penicvlvs
Oculum ecfodito per solum
mihi, Menaechme, si ullum verbum faxo nisi quod iusseris.
Menaechmvs
Concede huc a foribus.
Menaechmvs
Etiam concede huc.
Menaechmvs
Etiam nunc concede audacter ab leonino cavo.
Penicvlvs
Eu edepol ne tu, ut ego opinor, esses agitator probus.
160
