Perde 3
[Textpart 3]
sed quis hic est quém ego huc advenientem conspicor,
435
Periphanes
suam qui undantem chlamydem quassando facit?
[Textpart 4]
Cave praéterbitas ullas aedis, quin roges,
Miles
senex híc ubi habitat Periphanes Platenius.
incertus tuom cave ad me rettuleris pedem.
Periphanes
Adulescens, si istunc hominem, quem tu quaeritas,
440
tibi commonstrasso, ecquam abs te inibo gratiam?
Miles
Virtute belli armatus promerui, ut mihi
omnis mortalis agere deceat gratias.
Periphanes
Non repperisti, adulescens, tranquillum locum,
ubi tuas virtutes explices, ut postulas.
445
nam strenuiori deterior si praedicat
suas pugnas, de illius illae fiunt sordidae.
sed istúm quem quaeris Periphanem Platenium,
Miles
Nempe quem in adulescentia
memorant apud réges armis, arte duellica
450
divitias magnas indeptum?
Periphanes
Immo si audias
meas púgnas, fugias manibus dimissis domum.
