Perde 1
[Textpart 1]
Quo ted hoc noctis dicam proficisci foras
Palinvrvs
Cum istoc ornatu cumque hac pompa, Phaedrome?
Phaedromvs
Quo Venus Cupidoque imperat, suadet Amor:
si media nox est sive est prima vespera,
si status condictus cum hoste intercedit dies,
5
tamen est eundum quo imperant ingratiis.
Palinvrvs
At tandem, tandem—
Phaedromvs
Tandem es odiosus mihi.
Palinvrvs
Istuc quidem nec bellum est nec memorabile:
tute tibi puer es, lautus luces cereum.
Phaedromvs
Egon apicularum congestum opera non feram,
10
ex dulci oriundum melculo dulci meo?
Palinvrvs
Nam quo te dicam ego ire?
Phaedromvs
Si tu me roges,
Palinvrvs
Si rogitem, quid respondeas?
Phaedromvs
Hoc Aesculapi fanum est.
Palinvrvs
Plus iam anno scio.
Phaedromvs
Huic proxumum illud ostiumst oculissimum.
15
