Perde 4
[Textpart 2]
nec vobis auctor ullus est nec vosmet estis ulli.
Cvrcvlio
item genus est lenonium inter homines meo quidem animo
ut muscae, culices, cimices pedesque pulicesque:
500
odio et malo et molestiae, bono usui estis nulli,
nec vobiscum quisquam in foro frugi consistere audet;
qui constitit, culpant eum, conspicitur vituperatur,
eum rem fidemque perdere, tam etsi nil fecit, aiunt.
Lyco
Edepol lenones meo animo novisti, lusce, lepide.
505
Cvrcvlio
Eodem hércle vos pono et paro: parissimi estis hibus:
hi saltem in occultis locis prostant, vos in foro ipso;
vos faenore homines, hi male suadendo et lustris lacerant.
rogitationis plurimas propter vos populus scivit,
quas vos rogatas rumpitis: aliquam reperitis rimam;
510
quasi aquam ferventem frigidam esse, ita vos putatis leges.
Cappadox
Hau male meditate maledicax es.
Cvrcvlio
Indignis si male dicitur, male dictum id esse dico,
verum si dignis dicitur, bene dictumst meo quidem animo.
ego mancupem te nil moror nec lenonem alium quemquam.
515
