Perde 2
[Textpart 3]
tum isti qui ludunt datatim servi scurrarum in via,
Cvrcvlio
et datores et factores omnis subdam sub solum.
proin se domi contineant , vitent infortunio.
Phaedromvs
Recte hic monstrat, si imperare possit. nam ita nunc mos viget,
ita nunc servitiumst: profecto modus haberi non potest.
300
Cvrcvlio
Ecquis est qui mihi commonstret Phaedromum genium meum?
ita res subita est, celeriter mihi hoc hómine convento est opus.
Palinvrvs
Te ille quaerit.
Phaedromvs
Quid si adeamus? heus, Curculio, te volo.
Cvrcvlio
Quis vocat? quis nominat me?
Phaedromvs
Qui te conventum cupit.
Cvrcvlio
Haud magis me cupis quam ego te cupio.
305
Phaedromvs
O mea opportunitas,
305
Curculio exoptate, salve.
te advenire. cedo tuam mi dexteram. ubi sunt spes meae?
eloquere, obsecro hércle.
Cvrcvlio
Eloquere, te óbsecro, ubi súnt meae?
