Perde 1
[Textpart 3]
aeditumum aperire fanum quo usque, quaeso, ad hunc modum
Planesivm
inter nos amore utemur semper surrepticio?
205
Phaedromvs
Minime, nam parasitum misi nudiusquartus Cariam
petere argentum, is hodie hic aderit.
Planesivm
Nimium consultas diu.
Phaedromvs
Ita me Venus amet, ut ego te hoc triduom numquam sinam
in domo esse istac, quin ego te liberalem liberem.
Planesivm
Facito ut memineris. tene etiam, prius quam hinc abeo, savium.
210
Phaedromvs
Siquidem herclé mihi regnum detur, numquam id potius persequar.
Planesivm
Em istoc verbo vindictam para:
sí amas, eme, ne rogites, facito ut pretio pervincas tuo.
Phaedromvs
Iamne ego relinquor? pulcre, Palinure, occidi.
Palinvrvs
Ego quidem, qui et vapulando et somno pereo.
215
Phaedromvs
Sequere me.—
215
